حيرة التخصص
مرحبا..كيفكم؟وكيف الحياة معكم؟
انا الحمدلله ماشي حالي تطمنوا هع
الموهــم..حبيت اخذ رايكم واشوف انتوا كيف اخترتوا تخصصكم الدراسي
انا صايرة من حيرة لأخرى..السنة اللي راحت كنت مرة محتارة بين طب وعلوم طبية
في النهاية والختام اخترت علوم طبية لأن احس الطب طوييل وما لي خلق هالقد سنوات دراسة
والحين كل يوم لي راي وكل يوم يعجبني تخصص
هم خمسة تخصصات..مختبرات,علاج طبيعي,رعاية تنفسية,تقنية معلومات صحية"شايلته من بالي",واخر شي تقنية قلب
تقريبا باقي 6 اسابيع وخلاص المفروض نكون اخترنا
ما ابغى اختار متأخر وأندم او احس اني تسرعت
سوو..شو رأيكم؟
3 تعليقات:
في الحقيقة أنا عديت هذه المرحلة .. لكن أقول لك بصراحة من خلال تجربتي أنني أخترت تخصصي بدافع الحب له فهو كان أقوى دافع..
والذي ساعد على ذلك هو قرائتي المستمرة في تخصصي التسويق حتى قبل أن أدخل الجامعة ..
فأنت أنظري لنفسك في أي تخصص كنت تحبي أن تقرئي أو إذا أردت أن تقرئي فأي الكتب في التخصصات السابقة ستشريه ولا تستخري فيه سعره
مشكلتي كل فترة احب شي ويعجبببني
فأنا خايفة بعدين اغير رايي
خلاص لازم افكر جد مافي وقت
مشكورة يا السر:)
أنا تخصصي قانون، و كنصيحة لج إختي الفاضلة..
لا تفكرين بالسنوات، أو بصعوبة الشي، فكري في شي تحبين حتى لو صعب ما بتملين منه لو فيه صعوبه إنتي مستمتعه، و لو كانت السنين طويله عادي مافيها شي شو وراج، و الأيام بسرعة تمر و الله أنا أقوول دووم كيف مرن السنين بهالسرعة ..
الحل ..
شوفي ميولج وين، شوفي بعد 5 سنين وين تبين تشوفين عمرج، د كتورة و لا في المختبرات أو الإدارة .. شوفي المكان اللي يناسبج و تحسين براحة فيه و أهم شي الميووول قبل كل شي ..
لأنه الأغلبية الحين يتخصصون على حساب الأهل أو السهولة .. فلا تكونين من هالنوعية ..
إرسال تعليق
الاشتراك في تعليقات الرسالة [Atom]
<< الصفحة الرئيسية