هذرة..

مسا الخيير
كيفكم؟وكيف الحياة معاكم؟

اممم لازم مقدمة؟

انا بتكلم وخلاص XD
---
في شي فيني مدري كيف
سمعت ان يسموه النظرة المثالية او شي زي كذا
هو ان الناس يطيحوا من عيني من اقل شي
مو يطيحوا يطيحوا بس يعني..مثلا اكون حاطة ببالي ان هالشخص عددل ولما اكتشف فيه شي بسيط خلاص تتغير نظرتي له
سخاااافة,,,اكيد كل الناس فيهم عيوب يعني وش اتوقع ؟

اشخاص كثير ما سووا لي شي بس عشان حاجة صغيرة في شخصيتهم ما تعجبني اصير ما احبهم مو بمعنى اكرههم لا مدري كيف يمكن ما اتقبلهم لا مو هذي الكلمة بعد,,بس مدري
---
احيانا حساسة بزيادة
مع اني اكون فاهمة ان هذا غلط يعني الشي مااا يستااهل ابدا
انا ما ازعل ولا ابين لأي احد اني زعلت من هالتصرف بس يظل يأثر فيني بشكل او بآخر,,احيانا يأثر بدون ما احس
مثلا,,,لما اقول لأبوي ابي اروح هالمكان مثلا ويقول لا,,خلاااص اتغبن وشوي واصيح
الحين صرت اتجنب هالشي,,لما ابي اروح مكان اقول لأمي او وحدة من خواتي هي تقول له
سخاافة مرة اخرى ,,ويعني وقال لا؟اخر الدنيا؟يمكن من اسلوبه الحلو
او شي ثاني,,ان لما احد يعصب على شخص قدامي ,,نفس الشي ما اقدر اتحمل,,انزين شدخللللني؟؟
---
ما اعرف اتعامل مع الاشخاص المعطائين يخجلووووني
مدري كيف بس انا ما اعتبرهم مرة مهمين بالنسبة لي وما يجي في بالي اسوي لهم شي مثل ماهم يسوون الا من باب مجاملة او رد كرمهم يعني
ما يطلع من قلبي لهم شي مثلهم وهذا شي يفشششششل
يعني هم يحسسوني انهم يحبوني واني شي بالنسبة لهم بس انا ما اقدر ابادلهم نفس الشعور
لييييش؟؟
يا الله من جد ما احس اني احب الاشخاص اللي حولي
الله يستر يمكن اذا فقدتهم بحس وبيكون تووو ليييت

اصلا وشو الحب؟وشو يعني احب هالشخص؟وشو يعني هالشخص يحبني؟
كيف اتأكد انه فعلا يحبني...وكيف اعرف اني احبه؟
جد ابي اعرف على اي اساس نحكم؟
طبعا ما اتكلم هنا عن الاشخاص اللي حولنا,,اتكلم عن الحب الحب
اكيد تقولوا وش هالغباء بس منن جد اسأل
اي وشي ثاني بعد ابي اعرفه>>>معليش تحملوا X3
امممم اي
الاحترام
لأن في موقف ما عجبني
بين صاحبتي وزوجها,,انهم كانوا بيطلعوا فهي راحت تجيب عبايتها ووقفت بداية المجلس عند الباب تلبس
وزوجها قاعدة اخر المجلس(مو كبير المكان صغير يعتبر)المهم..طلعت من شنطتها علك وقالت له تبي؟قال اي,,,وش سوت؟رمته عليه بس اخينا في الله ما عجبه الموضوع
ما عصب لحظتها بس قال بعدين,,,يمكن هالاشيا بينك وبين صاحباتك عادي بس انا لا زوجك لازم تحترميني
على فكرة هم لسى ما تزوجوا مملكين بس
خيييير,,احس عادي ويعني وش سوت هي؟
هذا مو مقياس احترام او لا
مدري شرايكم انتوا؟
هل هذا فعلا يدل على عدم احترام؟
وشو الشي اللي يدل على احترام بس في نفس الوقت يعني ما يكون مبالغ فيه؟

ووو بس
هازا كول شي لليوم
سي يا